PRAGA, 1941. OS MOZOS LOURIDOS DEIXEN DE BERRAR DIANTE DA MIÑA CASA

A televisión informa de que o transbordador "Columbia" sufriu un accidente ao regresar á Terra despois dunha expedición lunar. Na noticia aparece un debuxo que trouxera un dos astronautas: o globo terrestre visto desde o espazo. Daniel, un neno que vive en Praga, recoñece o debuxo e cre que hai varios semellantes no trasteiro do seu pai. Efectivamente, alí atopa unha caixa con estampas e cadernos asinados por un tal Petr Ginz.

Petr era un neno que probablemente viviu nesa casa en 1941 cando os nazis ocuparon a cidade. Daniel, que ten a mesma idade que Petr, le incrédulo como era a vida nas rúas polas que percorre. As voces dos dous rapaces comezan a fundirse e os límites entre o presente e o pasado semellan cada vez máis difuminados.

Daniel pregúntase que facer co testemuño que atopou por casualidade, se haberá algún supervivente desa familia xudía a quen lle poida entregar as pertenzas de Petr ou como conservar ese anaco da historia.