Solpor. Unha nena agarda a lúa cantando e tocando os seus instrumentos para crear a harmonía da noite. Cando medra a música, medra a lúa. Cando a música se escurece, a lúa apaga. Unha curuxa e un lobo acompañan este doce movemento do balance da lúa. Noite escura. Sen lúa.

Sin luna é unha reflexión sobre a harmonía e o equilibrio universal a través da música. As fases lunares representan alegóricamente o ciclo da vida.

Reivindicamos o momento sen lúa como fermoso e necesario. A escuridade simboliza a introspección, a reflexión e a calma. Que emoción nos invade cando estamos neste fráxil momento dos Sen Lúa?

Un espectáculo sen texto onde a música é a linguaxe para comunicar os sentimentos e emocións que nos guían nesta evocadora viaxe. Delicadeza visual e música en directo. Unha oportunidade ideal para afondar na beleza e na maxia da noite.