Labranza Kids é a adaptación do proxecto artístico Labranza para nenas e nenos. Ofrece unha actividade onde o principal obxectivo é conectar coa parte rural a través da danza.
Labranza Kids ofrece aos seus participantes a posibilidade de aprender dun xeito experimental o proceso creativo dun espectáculo de danza, acompañados polos coreógrafos e bailaríns do Colectivo Lamajara.
Labranza Kids é unha proposta pensada para nenas e nenos de 6 a 12 anos que emprega a figura do labrego e o artista para identificar as semellanzas en ambos eidos e ver como conviven.

Esta versión de Labranza achégase cunha visión contemporánea e conceptual da relación entre “home x campo”, “bailarín x corpo”, a paisaxe do campo levada á xeografía do corpo. Unha constante comparación de dous tipos de corpos que no seu día a día modifican o que os rodea mediante o seu movemento.

Obxectivos:
Dar a coñecer os contidos básicos da danza contemporánea. (corpo, ritmo, espazo, enerxía, o outro e a relación con todo isto)
Traballar un imaxinario común inspirado no rural.
Potenciar a cooperación a través dunha estrutura escénica que facilite a autonomía dos participantes.
Participa nun proceso creativo con profesionais do sector da danza.
Experimenta un acto escénico.
Promover a creación de novos públicos na danza contemporánea.