SUMA

Na lingua akan, a palabra SUMA significa SOMBRA.

Esta exposición afonda niso, na sombra, na nosa sombra, no sentido máis amplo da palabra. Fala desa silueta escura que é unha proxección de nós mesmos, dos nosos medos, dos nosos desexos, dos nosos descubrimentos… Que medra con nós, que sempre nos acompaña, que contén todo o que forma parte da nosa identidade.

Podemos facer esa sombra grande, moi grande e tamén pequena. Podemos xogar a deformala, a transformala, a bailar con ela…

En SUM, xogamos coa nosa sombra ata… que a perdemos!!

Neste intre comeza unha viaxe que nos leva a lugares onde atopamos outras maneiras de relacionarnos con ela, coa sombra, pero tamén con nós mesmos.