Fíos

Vimos ao mundo unidos polo cordón umbilical que nos entrelaza dun xeito único coa nosa nai, pero que pasa despois con ese fío? O cordón córtase ao nacer, pero o vínculo que se crea entre ambas as partes, como un fío invisible, segue vivo.
Cóntovos a historia da miña nai, unha muller chea de vida, que deu a luz catorce fillos ligados a ela por un fío. Fáloche dos fíos das súas trenzas de nena e dos fíos desgastados polo tempo. Dos fíos transparentes que a unían indisolublemente á súa familia. Dos fíos que creou entre ela e os seus fillos, do legado que deixou cada un de nós para poder tecer o seu.