KL'AA, que significa "cantar" na lingua hadzabe, é unha viaxe musical do neno no descubrimento do mundo. Unha experiencia visual e sonora a través da voz e da canción. Revela a voz como fundamento da presenza humana, como vehículo de identidade. É a través da voz, a través do son a través do noso corpo, que nos facemos máis humanos, máis persoas.
O espectáculo constrúese grazas aos sons, os sons que fai un bebé para comunicarse. De aí xorde a nosa música. Unha música moi próxima a eles. Porque sobre todo é vocal e feminina (recorda a voz da nai) e porque non usamos texto senón sons que recoñecen, e algunhas palabras próximas á súa lingua. Todo acompañado de xesto e movemento (tamén en función da evolución que fan dende que nacen e como se desenvolven) que fai que capte aínda máis a túa atención.