LATAS
Un equilibrio entre o animal e o humano, unha danza entre o inútil e o fermoso. Tres personaxes constrúen e destrúen o presente sen outro obxectivo que desafiar o aburrimento. Coñécense tanto que non precisan falar. Habitan nun mundo no que algo pasou, pero non sabemos que. Buscan dentro das latas un pouco diso, que se multiplica cando se comparten. Unha invitación a xogar indiferente a calquera pensamento. Un momento de felicidade compartida, cun pé neste mundo e outro nunha terra atemporal.