A illa do tesouro

Hai moitos anos, vivía un temible pirata que acumulou o maior tesouro... Hoxe en día, só quedan uns poucos membros da súa tripulación, buscando desesperadamente calquera pista que os leve ao precioso ouro.

"A illa do tesouro" conta a historia destes piratas e de Jim, un mozo que axuda á súa nai a rexentar unha antiga taberna e que se ve atrapado nunha aventura chea de piratas, barcos e illas desertas. Nesta viaxe, debe recoñecer o ben e enfrontarse ao mal, descubrir a verdadeira natureza do tesouro e atreverse a cuestionar se os malvados merecen o perdón.