Classiscappella
Classicappella é unha incrible viaxe polos temas máis famosos da música clásica da man do noso sabio “Leonardo”, que nos contará as súas divertidas aventuras por Europa, coñecendo aos compositores que deron vida ás obras que marcaron a historia de música. Ven a coñecer a Bach, Handel, Mozart, Beethoven e moitos outros músicos que nos contarán divertidas anécdotas sobre as súas vidas e como compuxeron estas fantásticas obras. Camiñaremos doutro xeito por curiosidades e humor, e veremos como funciona a música clásica no seu interior. Tamén descubrirás a cultura e os costumes dos distintos países que visitamos.
Sen esquecernos do máis importante, amosarémosche todas as obras como nunca antes as escoitaches, a capella! É dicir, utilizando só o instrumento máis perfecto que existe, a VOZ! Aprende a recoñecer as diferentes tesituras que ten o ser humano: o tenor, o barítono, o baixo ou mesmo o contratenor. Voces que poden reproducir o son dunha orquestra completa ou imitar o son dun órgano de tubos barroco, e por suposto, cantar os coros máis famosos.