Un espectáculo que nace dende unha perspectiva ata os xeonllos -o punto de vista dos nenos- e dun mundo que pouco a pouco van descubrindo, As pequenas cousas transfórmase axiña nun espectáculo descarado e enérxico para nenos e maiores, con múltiples lecturas, provocando así un diálogo interxeracional.

A través de monicreques e danza, teatro físico e música, a compañía enfróntase á sincera e directa inxenuidade da infancia coa loita moitas veces absurda dos adultos por ser grandes modelos sen perder a aparente dignidade.

Un espectáculo traveso, fresco e inspirador que pregunta polo lugar da infancia e como foi que, un día, os adultos deixaron de xogar.