PEZA DE BAILE INCLUSIVA
Unha creación para os máis pequenos que utiliza o corpo, a poética do movemento e a música ao servizo da instalación. Patricia Ruz xunto con Alberto Romera, actor e bailarín profesional con síndrome de Down, cóntanos unha pequena viaxe inspirada na cidade. A peza nace da necesidade de seguir traballando pola infancia e integrar a diversidade no escenario. Apenas hai espectáculos para este reducido público que inclúan artistas con discapacidade.
Unha instalación viva creada con múltiples pequenos ladrillos de cartón, que definen estruturas e paisaxes para compartir. Destruír para construír, construír para transformar, transformar para soñar. Unha cidade, un barrio, uns veciños, unha casa, o noso cuarto, imos durmir! Un lugar sen nome, para que lle poñas o teu.